ZEIN EGUZKI-BABESLE DA ZURETZAT EGOKIENA?
Eguzki-fotobabesleak hainbat formatutan aurkezten dira, erabiltzaileen beharrei eta lehentasunetara egokitzeko. Ohikoenak stick, aerosol, krema eta spray-ak dira. Bakoitzak ezaugarri bereziak ditu, eta batzuk egokiagoak dira erabilera edo larruazal mota arabera.
Stick- fotobabeslea, trinkoa eta praktikoa da. Gune txiki eta sentikorretarako aproposa da, hala nola ezpainetarako, sudurrerako, begien ingururako edo tatuajeetarako. Urarekiko eta izerdiarekiko oso erresistentea da, eta ez du hondakin koipetsurik uzten. Gainera, eramangarria denez, erraza da poltsan edo motxilan eramatea, eta, horri esker, askotan berriz aplika daiteke, gainera ez ditu eskuak zikintzen! Hala ere, ez da egokiena gorputzaren azalera handiak estaltzeko.
Aerosolezko fotobabeslea, aplikazio azkarra eta uniformeagatik da ezaguna. Produktua laino mehe gisa askatzen denez, gorputzaren eremu zabalak erraz estal daitezke, baita iristeko zailak diren eremuetan ere, hala nola bizkarrean eta soilgunean. Fotobabeslea erraz eta eskuak zikindu gabe jarri nahi duenarentzat aproposa da. Hala ere, kontuz ibili behar da aire zabalean aplikatzean, haizeak produktuaren zati bat eraman dezakelako.
Kremazko fotobabeslea, tradizionalena da eta moldakorrena. Aplikazio homogeneoa ahalbidetzen du, eta, aldi berean, larruazala hidratatzen du. Larruazal lehor edo sentikorretarako aproposa da. Gainera, eskuarekin aplikatzean, estaldura kontrolatuagoa bermatzen du. Gaur egun, krema oso arinak sortu dira textura atseginagoekin baina kasu berezi batzuetan ohiko kremak erabiltzea beharrezkoa da.
Spray fotobabeslea, aerosoletik bereizten da, produktua modu likidoan edo erdi likidoan kanporatzen duelako, ez gas gisa. Azkar eta erraz aplika daiteke, eta egunean zehar babesgarria berriz aplikatzeko erraza da, baita larruazal bustian ere. Spray batzuk 360ºko erabilera aurkezten dute, gorputzaren eremu guztietara iristen lagunduz.
Beraz, formatu ideala aukeratzea larruazal motaren, babestu beharreko eremuaren eta erabilera-testuinguruaren araberakoa da. Fotobabesgailu egokia eramatea eta behar bezala berraplikatzea funtsezkoa da eguzkiaz modu seguruan gozatzeko.